كتب: أحمد سميح
مصطفي صلاح : بسم الله.. والله بص هو البراند عن الشركات وفي الكتب خطط وفلوس وميزانيات وكمان كلمة براند بتختلف من شركة لشركة …
لكن انا كمصطفي شايف ان البراند كلمة صعبة لكن هي في الغالب تنفيذها بسيط و سهل جدا ومش لازم ميزانيات يعني مثلا ممكن علي سبيل المثال انزل اجيب كوبيات ورق مطبوعة سمايل وحرف بسيط يدل عني او فكرتي واروح اجرب توزيع نطاق منطقة او اتنين بجودة كويسة لحد ما المحلات والكافيهات تعرفني وكدا بقيت براند محلي ومع الوقت اوسع منطقة واجيب مناديب تاني وانتشر وهو ده بالظبط فكرة الاعلانات و السوشيال اللي ممكن يكون ناس كتير فاكرة انه نجاحها فيه … فبالتالي بيكون عنده كسل انه يبذل مجهود وينتشر بمجهود وبيبدا انه يصرف فلوس للانتشار بدون خبرة كافية
وطبعا بيبقي علي حسب كل فرد او شركة من امكانيات و نظرة مستقبلية وقدرة مالية واللي لازم نحسبها مهما كانت ازاي ب ١٠٠٠ جنيه فقط اقدر اكمل لمدة سنة ودي حرفيا مش مستحيلة بالعكس دي اكتر حاجة ممكن تخليك ناجح ازاي ب ١٠٠٠ جنيه اكمل مشروع لمدة سنة او ٢ وهيا مثلا البضاعة طبعا الجودة المطلوبة وكل ماتبيع هاتجيب غيرها وتشتغل … احسن حاجة تعمل براند هيا من انطباع الاول للعميل عنك وده بيخليه غصب عني بيبقي دعايا غير مباشرة دائما لشغلك
تعليقات