حقيقة «الصيام المتقطع»

نا عايزة اخس هذا هو وقت الصيام المتقطع

ناس كتير اوى بتكون عايزة تخس بسرعة وبتسمع عن الصيام المتقطع وبتقرر تجربه, فى المقال دة احنا هنعرف كل حاجة ليها علاقة بالصيام المتقطع من ايجابيات وسلبيات وانواعه وكمان اثاره على الصحة وازاى نبدء نعمله واصلا ليه بيخسسنا فى الوقت اللى صيام رمضان فيه بيتخننا ….

مبدئيا الصيام المتقطع انتشر الفترة دى بشدة وبقى ترند بسبب دكتور اسمه جيسون فانج كان دكتور كلى وبدء يعرف الناس اثر الصيام على الصحة وهكذا ومن هنا انتشر نظام الصيام المتقطع …..

الفكرة فالصيام المتقطع ان لما بصوم وقت بيبدء الانسولين ميعلاش طول وقت الصيام والانسولين طول ما هو عالى بيخزن دهون ومفيش حرق للدهون فلما بيقل الحرق بيزيد جدا وتخزين الدهون بيقل بنسميه (محرقة دهون )

النوع الشائع للصيام المتقطع هو صيام 16 ساعة والافطار 8ساعات يعنى مثلا اوقف اكل من 6 بالليل ل 10 صباحا واكل من 10 صباحا الى 6 بالليل 

وفى انواع تانية بتكون 18 ساعة صيام و 6ساعات فطار يعنى اصوم من 6 الى 12 وافطر من 12 ل 6  

وفى نوع قوى جدا وهو نظام OMAD او نظام وجبة واحدة فاليوم 

ودة بنفضل اليوم كله ع وجبة واحدة ودة طبعا مش صح نعمله باستمرار لكن ممكن يوم فالاسبوع وساعات الناس بتستخدمه بعد يوم مثلا اكلوا فيه زيادة اوى فبيعوضوا بانهم يوقفوا اكل لمدة 24 ساعة ويعوضوا عنها بسوائل طول اليوم 

بس هل الصيام المتقطع بيخلينى اكل اللى عيزاه بالكميات اللى عيزاها وهخس عشان انا بصوم ؟

فالاجابة طبعا لا لو حتى الصيام المتقطع اه بيقلل الانسولين بس انا اكلت زيادة وانا عملاه هتخن ودة السبب اللى بيتخن الناس فى رمضان انهم بياكلوا كميات كبيرة جدا جدا من اكلات بتعلى الانسولين اوى فلما يصوموا بيبقى لسة اثر الاكل باين على الانسولين 

فالحل دايما بيكون اساسى فيه انى اظبط سعراتى الحرارية ومع الصبام هوصل لنتيجة احسن ...

د.ايمان أشرف 

صيدلانية واخصائية تغذية معتمدة ومدربة لياقة بدنية معتمدة